adv

Tam mətn

"Ford Mustang-E" ən sürətli versiyaya sahib olub

03-дек, 22:09 Avto 47 0 Нравится (0)
Ford Mustang Mach-E elektrik krossoveri ən bahalı və ən sürətli versiya - GT Performance modifikasiyasına sahib olub. Yeni modifikasiya yerindən 60 mil/saat (97 km/saat) həddinə 3,5 saniyəyə sürətlənir. Müqayisə üçün, Mustang Mach-E GT belə sürətlənməyə 3,7 saniyə sərf edir.
Ford Mustang Mach-E GT Performance elektrik krossoveri , GT versiyasında quraşdırılan 486 at qüvvəli güc qurğusu ilə hərəkətə gəlir. Bununla belə, top versiyanın təchiz edildiyi qurğunun fırlanma anı 860 Nm-dir. GT modelində isə bu göstərici 813 Nm təşkil edir. Elektrik mühərrikləri 378 kilometr yürüş məsafəsini təmin edən 98,8 kilovat-saatlıq  batareyadan qidalanırlar. Müqayisə üçün, Mustang Mach-E GT modeli dolu batareya ilə 402 kilometr yol qət edir.
GT Performance versiyasının xüsusiyyətləri arasında qırmızı supportlu Brembo əyləcləri, Pirelli 245/45 R20 təkərləri olan 20-düymlük ikirəngli disklər və qara rəngli “radiator barmaqlığı” var. Salonda boz üzlüklü idman oturacaqlar, ön paneldə isə dekorativ alüminium işləmələr quraşdırılıb.
Ford Mustang Mach-E GT Performance modelinə sifarişlərin qəbuluna gələn ilin yazında başlanacaqdır. Hazır elektromobillərin dilerlərə çatdırılmasına yayda başlanmalıdır. Daha əvvəl GT variantını sifariş etmiş müştərilərin üçün sifarişini GT Performance modelinə dəyişmək imkanı da mövcuddur. Ford Mustang Mach-E GT Performance modelinin birbaşa rəqibi Tesla Model Y Performance olacaqdır.